ATUR PRANATACARA SAHA PAMEDHAR SABDA WONTEN ING UPACARA PASRAH CALON TEMANTEN (LINTU KALPIKA)
Bismillahir rohmaanir rohiim
Assalamu’alaikum Wr.Wb
Kawilujengan, kasarasan tuwin sih wilasaning Gusti ingkang Maha suci, mugi tansah kajiwa kasalira dhuamteng sagung para lenggah kakung miwah putri
Nuwun, wonten ngarsanipun para pepundhen, para sesepuh, para pinisepuh ingkang dhahat pinundhi saha kinabekten
Para tamu duta saraya saking calon kadang besan, ingkang sinuba ing pakurmatan. Miwah sagung para rawuh kakung-putri, para kadang wredha-mudha ingkang winantu ing suka basuki
Langkung rumuyin kula nyuwun pangapunten, dene kula jejer (ngadeg) wonten ngarsa panjenengan sedaya, inggih karana mudhi dhawuh saking ingkang hamengku gati, nun inggih bapak/ibu ……………. Sekalian, ingkang ing ari kalenggahan punika kula kapiji dherekaken lampahing adicara, upacara Pasrah Penampining Calon Temanten Kakung, kalajengaken upacara lintu kalpika.
Sakderengipun upacara kawiwitan, sumangga kula dherekaken tansah munjukaken raos puja-puji astuti syukur wonten ngarsa dalem Allah SWT, ingknag sampun paring mapinten-pinten kanugrahan saha kanikmatan, katitik sagung para rawuh ing ari punika sahed rawuh wonten dalem punika, kanthi widada wilujeng nir ing sambekala
Sanggya para rawuh ingkang sinuba pakurmatan, jejering pambiwara kepareng kula hangaturaken tata urut reroncening titi laksana ingkang sampun karantam deneng kaluarga:
- Purwaka
- Atur pambagya yuwana saking kaluarga
- Paring pangandikan saking calon kadang besan kinasih, ingkang samangkih badhe dipun salirani panjenenganipun Bapak ……………………..
- Panampining pasrah dening kaluarga, ingkang badhe dipunsalirani Bapak ……………..
- Pasrah sarana kanthi simbolis
- Uparaca lintu kalpika (cincin)
- Sumene
- Panutup
Para rawuh ingkang sinuba ing pakurmatan, mekaten menggah tata urut reroncening titi laksana ingkang sampun rinakit dening kaluarga
Para lenggah, wus dumugi wahyaning mangsa kala, binuka titilaksana kang sepisan, nun inggih pambuka
Kasuwun, sumangga kanthi lenggah ingkang prayogi, sami manungku puja wonten ngarsanipun Dalem Allah kanthi (Basmallah sesarengan/satatanipun piyambak-piyambak, manungku puja kawiwitan) …… Cekap, maturnuwun mugi kanthi panyuwunan kala wau, lampahing acara punika saged lancar, rancak kalis ing rubeda, Amin
Para rawuh ingkang dhahat kinurmatan, tumunten katuraken titi laksana angkang kalih inggih punika atur pambagya yuwana saking kaluwarga. Dhumateng Bapak …………. Hambok bilih sampun samekta, sumangga
Maturnuwun dhumateng panejeneganipun bapak …………… ingkang sampun kepareng hamakili kaluwarga, ngaturaken pambagya rawuhipun para tamu
Sanggya para lenggah kakung-putri ingkang dhahat kinurmata, adicara ingkang angka tiga inggih sabda pangandika pasrah saking calon besan, ingkang badhe dipun salirani panjenenganipun bapak ………… dhumateng bapak …………… kula sumanggakaen
wijang wijiling pangandikan pasrah saking bapak ………………. Minangka wakiling duta saraya, calon kadan besan sutresna
para bapak-ibu, para kadang wredha-taruna ingkang dhahat kinurmatan, pangandikan pasrah calon temanten kakung sak ubarampenipun, tumunten badhe katampi panjenengan bapak …………….. luamantar panejenganipun bapak ………………..dhumateng bapak ……………….. minangka sulih salira, hambok bilih sampun samekta sumangga……………….
Sanggya para lenggah ingakang sinuba ing pakurmatan, mekaten pangandikan bapak ……………. Minangka sulih salira bapak …………… sekaliyan, ingkang sampun kepareng nampi pasrahing calon temanten kakung, sak ubarampenipun, minangka sarana dhauping putra kekalih
Para rawuh, kalaengaken ppasrah-panampi sarana/mas kawin cara simbolis. Awit saking punika dhumaten bapak ……….(wakil duta saraya) bapak………….. (wakil keluarga) saha bapak ibu ……………… (ingkang mengku gati) kawusun jumeneng majeng ing papan punika, sarana mas kawin keparengaken bapak ……………… tumuli katampi bapak ………………., wusana lajeng kaaturkaen bapak/ibu …………………….
Para rawuh ingkang minulya, kawistara wus paripurna upacara pasrah panampining calon manten kakung. ingkang sak lajengipun, samangkih kaaturaken titi laksana LINTU KALPIKA (CINCIN KAWIN)
Nuwun sewu, dhumaten calon temanten kakung, saha calon temanten putri, rama ibunipun teamnten putri, rama ibunipun calon temanten kakung, kasuwun jumeneng wonten papan punika (ingkang saged dipun pirsani tamu/papam wicara) saperlu hangestreni anggenipun ingkang putra kekalih badhe LINTU KALPIKA. Dhumateng para rawuh sedaya kasuwun donga pangestunipun.
“ BISMILLAHIR ROHMAANIR ROHIIM” LINTU KALPIKA (CINCIN) dipun purwakani, calon temanten kakung (Mas …………..) ngagemaken KALPIKA dhumateng mbak …………….. (calon temanten putri).
Jroning batos ngendika : “ dhik, aku cinta odamu”. Tumunten calon temanten putri gentos ngagemaken cincin dhumateng mas ……………….. (calon temanten kakung). Ugi ngendika “ aku juga cinta padamu, mas”
Sak paripurnanipun para putra ngagem KALPIKA, lajeng nyuwun pangestu dhumateng rama ibu kekalih, kanthi jawat asta.
Sanggya para rawuh ingkang sinuba ing pakurmatan, paripurna upacara LINTU KALPIKA. Nyuwun tambahing pangestu, mugi calon temanten sarimbit, kasembadan sedayanipun, ing akhir tembe dados kaluwarga ingkang sakinag, mawadah, wa rahham. Amin
Nuwun para rawuh, handungkap titi laksana angka pitu, nun inggih kangge sumene
(BOLEH MEMILIH SALAH SATU DARI INI)
- Sanggya para rawuh ingkang sinuba ing pakurmatan, sumangga dipun sekecakaken anggenipun lenggah, kanthi mardikaning penggalih, sinambi nyrantos lumadining pasugatan. Dhumateng para pramuladi sumangga anggenipun ngayahi jejibahan sumangga!
- Nuwun sewu, dhumateng bapak-ibu ingkang sampun dipun caosi pakurmatan, kasuwun angresepi kanthi mardu mardikaning panggalih, sinambi midangetakan (panglipur)
- Bapak-ibu ingkang dahat kinurmatan, panjenengan sedaya dipun caosi pasugatan unjukan saha dhaharan, ingkang sampun kacawisaken wonten ing sasana bojana, kasuwun kersa mundhut piyambak-piyambak (ladi pribadi) lan samangke saegd lenggah ing papan punika malih, sumngga . nuwun
Sangung para rawuh ingkang sinugata ing kayuwunan, saparipurnaning panjenengan sedaya angresepi pasugatan, pratanda bilih upacara pasrah-panampining calon temanten sampun paripurna
Handungkap titi laksana pungkasan inggih menika panutup
Namung saderengipun dipun pungkasi, kula pribadi mingka jejering pambiwara, kula ngrumaosi anggen kula ngaturkaen laksitaning titi laksana, purwa madya wasna pinanggih lepat saha kirang suba sita, inggih awit kiranging seserepan kula, kula nyuwun agunging pangaksama. Ing samangke kondur panjenengan, ngaturaken wilujeng kondur, mugi tinebihna ing rubeda. Kanthi asesanti jaya jaya wijayanti nirbaya nir wikara nir ing rubeda. Amin
Mangga upacara punika dipun pungkasi kanthi maos Hamdallah:
Alhamdulillahirobbilalamin
Wasallamualaikum wr.wb
