SESORAH RESMI
Assalamualaikum
Wr. Wb.
Bapak
Binuridin minangka Kepala Sekolah SMA 2 Godean
ingkang kula hurmati, tamu undhangan ,Bapak/Ibu Guru saha karyawan ingkang kula hormati ugi, saha adhik-adhik
kelas tuwin kanca-kanca ingkang kula
tresnani.
Puja lan Puji
syukur kawujukaken wonten ing ngarsanipun Gusti Allah ingkang Maha Asih, awit
ing wekdal menika kita sedaya taksih pinaringan rahmat saengga ing wekdal menika
kita saged makempal kanthi pinaringan karaharjan.
Kula minangka
wakil saking siswa kelas IIX, ngaturaken agunging panuwun ingkang tanpa upami
dhumateng Bapak Ibu Guru, awit saking sih katresnan anggenipun nggulawentah
dhumateng kula sekanca, saengga saged ngrampungaken kewajiban anggen kula
sakanca ngangsu kawruh wonten ing pawitan menika.
Kula sakanca
naming saged memuji, mugi-mugi sedaya amal lan kesaenan Bapak Ibu Guru pikantuk
piwalesan saking Gusti Allah ingkang Maha Agung, saha tansah pinaringan
kasarasan, kawilujengan lan ketentreman saengga saged nggulawentah dhateng
adhik-adhik sedaya ngantos dumugi paripurna kanthi biji ingkang maremaken.
Mboten
kesupen kula sakanca ugi nyuwun pangapunten, awit kula sakanca asring ndamel
Bapak Ibu duka lan kuciwa, awit saking atur saha solah bawa kula sakanca
ingkang mboten mranani penggalih panjenengan sedaya.
Wasana cekap
semanten atur kula, menawi kathah kalepatan atur saha solah bawa ingkang boten
mranani penggalih, kula nyuwun pengampunten. maturnuwun
Wassalamualaikum
Wr. Wb.
