Assalammualaikum Wr.Wb
Kawilujengan kasarasan tuwin sih saking
ngarsanipun Gusti Allah ingkang maha asih ,muga-mugi kajiwa kasalira dhumateng
kita sedaya ,amin
Nuwun , Panjengannipun para sesepuh ,
para pinisepuh ingkang hanggung hamastuti
dhumateng kautaman ingkang panten pinundhi , para tamu ingkang minulya , sarta
kadang wredha muda ingkang sutrisna
Sumangga tansah kula dherekaken
puja-puji pudjastuti ing ngarsanipun Gusti, pangeran ingkang maha welas lan
asih ingkang sampun ngrluberaken kanugrahan awit ing wedal menika kula
panjengan saget kempal manunggal wonten ing adicara menika kanthi tanpa
alangan punapa-punapa
Para tamu ingkag minulya ,keparenga kula ingkang mundhi dhawuhipun Bapa
_______ ngaturakan menggah rantamaning titi laksana adicara pawiwahan ing wanci
menika. titi laksana rantaman inggih menika
1. Adicara
ingkang sepisan inggih menika pambuka
2. Ingkang
kaping kalih atur pambagyaharjo
3. Dene
ingkang kaping tiga pasrah temanten
4. Ingkang
angka sekawan inggih menika tampi pengantin
5. Ingkang
kaping gansal panggih
6. Saha
pungkasan inggih menika panutup
Mekaten para tamu ingkang minulya urut
reroncening tata adicara ingkang sinanggit deneng para kaluwarga , kasuwun
wontena suka lilaning penggalih para lenggah tansah hanjenengi ngantos dumugi
purnaning gati
Para tamu ingkang minulya
Supados lampahing adicara menika
kaleksanan kanthi wilujeng ,purwa madya lan wusana , pramila mangga adicara
menika dipun wiwiti kanthi waosan basmallah , basmalah kula sumangakaken.
Mugi-mugi kanthi waosan basmlah kala wau
adicara menika saged kalampah kanthi sae , wilujeng nir sambikla saha putra
pengantin sakaliyan tansah pinaringan barokah saha rahmat saking ngarsonipun
Gusti Allah. Amin
Minangka tumapaking titi laksana angka
kalih inggih menika pambagyaharja , dhumateng Bapa ..... sumangga.
Maturnuwun dhumateng Bapa ..... ingkang
sampun atur pambagyaharjo
Para tamu ingkang minulya adicara
saklajengipun inggih menika paring pangandikan kadang calon besan , inggih
menika Bapa ....., sumangga.
Mekaten kala wau paring pangandikan
kadang ckon besan ingkang sampun kasarira dening panjenganipun Bapa .... .
Saklajengipun , paringipun pangandikan
kadang calon besan kala wau , Badhe dipun tami dening panjenenganipun Bapa ....... . Menggah panampining pangandikan badhe dipunsalirani dening Bapa .....Sumangg.
Para tamu ingkang minulya , mekaten kala
wau paring pangandikipun Bapa.... ingkang sampun nampi paring pangandikan
saking kadang calon besan.
Sak lajengipun inggih menika adicara
panggih badhe dipun andaraake dhumateng Bapa ... sumangg.
Maturnuwun dumateng Bapa .....
Para rawuh ingkang minulya adicara
kaping pungkasan inggih menika panutup amargi wedalipun sampun dungkap siang
saha kapanggihan sampun cekap, pramila adicara menika tumuli badhe
dipunpungkasi
Namung kemawon kula ingkang kadhawuhan
ndherekaaken lampahing adicara menika, ngrumaosi kathah kalepatan saha
kekiranganipun
Wiwit saking anggen kula ngrumpaka basa
boten ngepasi kaliyan paugeraning paramasastra , saha lampah lan tumindak
ingkang nerak tata krami lan tata susila , ingkang sedaya wau ndadosaken kirang
rena ing penggalih , keparenga kula nyadhong lumunturing aksama,
Awit saking kawigatosan panjengan wiwit
saking purwa madya lan wusana
Kula Benny Naziro Annas ngaturaken
agunging panuwun
Kondoripun ndherekaken kasugengan , mugi
wilujeng ngantos ing dalem sowong-sowang
Mangga pahargyan menika dipun pungkasi
kanthi konjuk dhumateng ngarsanipun Gusti Allah , kanthi waosan hamdalah
sesarengan.
Wasalamualikum Wr.Wb
