 |
| Teks Ikrar Syawalan Halal Bi Halal Bahasa Jawa |
Bismillaahirrahmaanirrahiim.
Assalamualaikum Wr Wb
Nuwun wiyosipun wonten ngarsanipun Bapak saha Ibu Keluarga MAN 1 SLEMAN (MAN GODEAN) sakjajarnipun, saha para pinisepuh ingkang pantes pinundhi saha kinabekten.
Kepareng ing meriki, kula matur wonten ngajengipun panjenengan badhe ngandharaken ikrar halal bi halal kaluarga MAN 1 SLEMAN (MAN GODEAN) ingkang samangkih dipuntirokaken sesarengan :
Bismillaahirrahmaanirrahiim.
Asyhadu alla ilaaha illallah.
Waasyhadu anna Muhammadarrosulullah.
Kepareng kula matur,
Duh Allah Pangeran kula,
Sedaya Pangalembana Kunjuk Wonten Ngarsanipun Paduka Gusti Allah ingkang Maha Agung
Wonten ing dinten menika, kula sami silaturrahmi, Saperlu Halal Bi halal Apura ing Apuran.
Dhumateng bapak Ibu sederek sedaya ingkang kaleres sepuh, kula badhe ngaturaken sungkem pangabekti kula, mugi tansah saged katur dhumateng ngarsa panjenengan.
Dumateng ibu/bapak sederek sesami kula, kula ngaturaken salam taklim mugi katur ing ngarsanipun penjenengan.
Lan Dhumatheng ingkang kaleres anem, Kula ugi ngaturaken raos tresna kula kangge panjenengan sedaya
Wonten dinten Fitri 1444H menika ngaturaken Sugeng Riyadi, taqabalallahu minna wa minkum.
Ugi Kula nglenggana sedaya kalepatan saha kekhilafan kula dhateng panjenengan sedaya.
Awit saking menika, kanthi tulusing manah, lahir lan batos, kula nyuwun agunging pangaksami dhateng panjenengan sedaya,
Mbok bilih panjenengan sedaya, kagungan kalepatan saha kekilafan dhateng kula Saestu kanthi longgaring manah, kula caos pangapunten dhateng panjenengan sedaya.
Mugi Allah SWT. tansah paring pitedah saha pitulungan dateng kita
Sahingga kita saged njagi iman saha taqwa kita, Ibadah saha amal sholeh kita
Mugi Allah SWT. Tansah nampi amal ibadah kita, Tansah paring pangapunten dateng sedaya dusa kalepatan kita, tansah nampi taubat kita,
Tansah paring ijabah dateng sedaya panyuwunan kita.
Rabbana atina fiddunya hasanah, wa fil akhiroti hasanah, Waqina Adza Bannar, Amin
Maturnuwun
Cekap Semanten saking kula
Wassalamualaikum Wr.Wb
